ئورنىڭىز: باش بەت ئۇچۇر-ساۋاتلار
خۇش خەۋەر! تاۋار ماركىسىنى رويخەتكە ئالدۇرۇش ئوتتۇرىچە تەكشۈرۈش مۇددىتى تۆت ئاي ئىچىدە بولىدۇ.
جۇڭگو بازار نازارەت قىلىش ـ باشقۇرۇش گېزىتى مۇخبىرىنىڭ 5 ـ ئاينىڭ 11 ـ كۈنى ئېچىلغان دۆلەت بىلىم مۈلۈك ھوقۇقى ئىدارىسى تاۋار ماركىسى ئىدارىسىنىڭ 2020 ـ يىللىق تاۋار ماركىسىنى تەكشۈرۈش خىزمىتى يىغىنىدىن ئىگىلىشىچە، 2019 ـ يىلى دۆلىتىمىزنىڭ تاۋار ماركىسىنى تەكشۈرۈش مىقدارى 8 مىليون 253 مىڭ پارچە بولغان، تاۋار ماركىسىنى رويخەتكە ئالدۇرۇش ماھىيەتلىك تەكشۈرۈپ ئارىلاپ تەكشۈرۈشتە لاياقەتلىك بولۇش نىسبىتى 96.08% بولغان، تاۋار ماركىسىنى رويخەتكە ئالدۇرۇش ئوتتۇرىچە تەكشۈرۈش مۇددىتى 4-5 ئايغا قىسقارتىلىپ، تاۋار ماركىسىنى تەكشۈرۈش ئۈنۈمى، سۈپىتى مۇقىم ئۆسكەن. 2020 ـ يىلى تاۋار ماركىسىنى رويخەتكە ئېلىشنى قولايلاشتۇرۇش ئىسلاھاتىنى داۋاملىق چوڭقۇرلاشتۇرۇپ، تاۋار ماركىسىنى رويخەتكە ئالدۇرۇش ئوتتۇرىچە تەكشۈرۈش مۇددىتىنى تۆت ئاي ئىچىگە قىسقارتىشقا ھەقىقىي كاپالەتلىك قىلىدۇ. يىغىندا يۇقۇمنىڭ ئالدىنى ئېلىش تىزگىنلەش ۋە مۇلازىمەتنى ئەسلىگە كەلتۈرۈش خىزمىتىنى داۋاملىق ياخشى ئىشلەپ، يېشىل يولنى راۋانلاشتۇرۇپ، يېڭى تەدبىرلەرنى قوللىنىپ ئىقتىسادىي تەرەققىياتنى قوللاپ، يۇقۇم ئەھۋالى بىلەن مۇناسىۋەتلىك بىنورمال تاۋار ماركىسىنى رويخەتكە ئالدۇرۇشنى ئىلتىماس قىلىش ھەرىكىتىگە قانۇن بويىچە قاتتىق، تېز زەربە بېرىش تەلەپ قىلىندى. تاۋار ماركىسىنى رويخەتكە ئېلىشنى قولايلاشتۇرۇش ئىسلاھاتىنى داۋاملىق چوڭقۇرلاشتۇرۇپ، تاۋار ماركىسىنى رويخەتكە ئالدۇرۇش ئوتتۇرىچە تەكشۈرۈش مۇددىتىنى تۆت ئايغا قىسقارتىشقا ھەقىقىي كاپالەتلىك قىلىپ، بۇ يىل ئىچىدە تاۋار ماركىسىنى ئىناۋەتسىز دەپ جاكارلاش، باشقىچە پىكىر بېرىش، ئۇدا ئۈچ يىل ئىشلىتىلمىگەن ماركىنى بىكار قىلىش ئىلتىماسى قاتارلىق كەسىپلەرنى توردا بىجىرىش ئىقتىدارىنى يولغا قۇيۇپ، دۆلىتىمىز ئىلتىماس قىلغۇچىلىرىنىڭ خەلقئارالىق كېيىنكى توققۇز تۈرلۈك كەسىپنى توردا ئىلتىماس قىلىشىنى ئىشقا ئاشۇرۇش كېرەك. يامان غەرەزدە رويخەتكە ئالدۇرۇشقا زەربە بېرىشنىڭ يۇقىرى بېسىم ھالىتىنى داۋاملىق ساقلاپ، « ئىشلىتىشنى مەقسەت قىلمىغان تاۋار ماركىسىنى يامان نىيەتتە رويخەتكە ئالدۇرۇشنى ئىلتىماس قىلىپ تەكشۈرۈش مەشغۇلات كۆرسەتمىسى» نى ئوتتۇرىغا قويۇپ، تاۋار ماركىسىنى بېسىپ قويۇش، يامان نىيەتتە رويخەتكە ئېلىش قىلمىشلىرىغا پۈتۈن جەريانلىق زەربە بېرىشنى تېز ئىشقا ئاشۇرۇش كېرەك.
دۆلەت بىلىم مۈلۈك ھوقۇقى ئىدارىسىنىڭ ئالاقىدار مەسئۇلى مۇنۇلارنى بىلدۈردى:2020 ـ يىلى دۆلەت بىلىم مۈلۈك ھوقۇقى ئىستراتېگىيەسى پىروگراممىسىنىڭ ئاخىرقى يىلى، شۇنداقلا تاۋار ماركىسىنى رويخەتكە ئالدۇرۇشنى قولايلاشتۇرۇش ئىسلاھاتىنىڭ «ئۈچ يىللىق ئۆتكەلگە ھۇجۇم قىلىش پىلانى» نىڭ ئاخىرقى يىلى بولۇپ، پۈتۈن يىللىق تاۋار ماركىسىنى تەكشۈرۈش خىزمىتىنى ياخشى ئىشلەشنىڭ ئەھمىيىتى زور. بايرىقى روشەن ھالدا سىياسىيغا ئەھمىيەت بېرىپ، زور، ناچار تەسىرگە ئىگە بەلگىلەرنىڭ تاۋار ماركىسى شەكلىدە ئىدېئولوگىيە ساھەسىگە ھۇجۇم قىلىشىنى، ئاممىۋى تەرتىپ، ياخشى ئۆرپ ـ ئادەتكە سەلبىي تەسىر كۆرسىتىشىنى قەتئىي توسۇش كېرەك؛ قەتئىي تەۋرەنمەي قانۇنغا ئەھمىيەت بېرىپ، قانۇن ـ بەلگىلىمىلەرنى قاتتىق ئىجرا قىلىپ، تاۋار ماركىسىنى رويخەتكە ئالدۇرۇش تەرتىپىنىڭ ئادىللىقى ۋە باراۋەرلىكىنى قوغداش كېرەك؛ ئىسلاھاتنى ئۇزاققىچە تەكىتلەپ، مۇقىملىق ئاساسىدا ئىلگىرىلەشتە چىڭ تۇرۇپ، «ئۈچ يىللىق ئۆتكەلگە ھۇجۇم قىلىش پىلانى» نىشان ـ ۋەزىپىسىنى ئۆز قەرەلىدە تاماملاشقا ھەقىقىي كاپالەتلىك قىلىپ، «سۈپەتنى ئۆستۈرۈپ ئۈنۈمنى ئاشۇرۇش» نى ئومۇميۈزلۈك ئىشقا ئاشۇرۇش كېرەك.
مەنبەسى : دۆلەت بىلىم مۈلۈك ھوقۇقى ئىدارىسى توربېكىتى
دىققەت : ئازسانلىق مىللەتلەر تىل - يېزىقىدىكى ماركىلارنى تەرجىمە قىلىپ تەكشۈرۈش باسقۇچىغا كىرىدىغان بولغاچقا ، تەكشۈرۈش مۇددىتى بۇرۇندىن ئۇزۇنراق بولىۋاتقان ، بۇ قېتىمقى ئىسلاھاتتا تەكشۈرۈش ۋاقتى قىسقىرامدۇ يوق ؟ ئەمەلىيەتتىن كۆرەيلى . (ماركا تورى )
شىنجاڭ قۇياش خەلقىئارا سودا شىركىتى – ماركا تورى تەرجىمە قىلىپ تەييارلىدى . خالىغانچە كۆچۈرۈشكە بولمايدۇ .
ھەمبەھىرلەش
