ئورنىڭىز: باش بەت ئۇچۇر-ساۋاتلار
رەت قىلىنغان ماركا ئىلتىماسىنى قايتا قاراپ چىقىشقا ئىلتىماس قىلىشتا چوقۇم ئىھتىياتچان بولۇڭ
سىزگە يوقارقىدەك تېلېفون قىلغانلار ماركا ۋاكالەتچىلىك شىركەتلىرىنىڭ خادىملىرى بولۇپ، بەزى نۇمۇسسىزراقلىرى ئۆزلىرىنى دۆلەت ماركا ئىدارىسىنىڭ خىزمەتچىسى دەپ تۇنۇشتۇرىدۇ. ئىسىڭىزدە بولسۇنكى، ئۇلار ھەرگىزمۇ دۆلەت ماركا ئىدارىسىنىڭ خىزمەتچىلىرى ئەمەس، دۆلەت ماركا ئىدارىسىنىڭ خىزمەتچىلىرىمۇ سىز بىلەن بىۋاستە تېلېفوندا ئالاقىلاشمايدۇ، ھەم ئۇلاردا سىزنىڭ تېلېفون نومۇرىڭىزمۇ يوق.
ئۇنداقتا ئۇلار سىزنىڭ تېلېفون نومۇرىڭىزنى قانداق تاپقاندۇ؟
سىزنىڭ تېلېفون نومۇرىڭىز سىز تىجارەت كىنىشكىسى بىجىرگەندە بازار باشقۇرۇش ئىدارىسىنىڭ سېستىمىسىغا يوللىنىدۇ، بۇنداق ئۇچۇرلارنى ھەقلىق تەمىنلەيدىغان چى چاچا، ئەي چى چا دىگەندەك تور بەت ۋە دىتاللاردىن سىزنىڭ تېلېفون نومۇرىڭىز، ئادرېسىڭىز قاتارلىقلارنى تېپىشقا بولىدۇ. دىمەك، سىزگە تېلېفون قىلغانلار سىزنىڭ ماركا ئىلتىماسىڭىزنىڭ ئوڭۇشلۇق تەستىقلىنىشىغا كۆڭۈل بۆلمەيدۇ، بەلكى سىزنى ئازدۇرۇپ پۇل ئالسىلا بولدى. ۋاقتى كېلىپ، ماركا ئىلتىماسىڭىزنى قايتا قاراپ چىقىش يەنە مەغلۇپ بولسا ئۇلار ھېچنىمىگە ئىگە بولمايدۇ، زىيان يەنىلا سىزگە بولىدۇ.
ئەگەر سىزنىڭ ماركا ئىلتىماسىڭىز رەت قىلىنىپ، يوقارقىدەك ئازدۇرغۇچى تېلېفونلار تولا كىلىپ بېشىڭىزنى قايدۇرغان بولسا بەك جىددىيلىشىپ كەتمەڭ. ئۆزىڭىزنىڭ ئەسلىدىكى ماركا ۋاكالەتچىڭىز ياكى ئىشەنچلىك دەپ قارىغان باشقا ماركا ۋاكالەتچىلىك ئورۇنلىرىنىڭ مەسلىھەتىنى ئېلىپ، ئەمەلىي ئەھۋالغا قاراپ ئىش كۆرۈڭ. رەت قىلىنغان ماركىنى قايتا قاراپ چىقىپ ئوڭۇشلۇق بولۇش نىسبىتى بەكلا تۆۋەن. ماركا ئىلتىماسىڭىز رەت قىلىنغان بولسا رەت قىلىنشى سەۋەبىگە ئاساسەن ئۆزگەرتىپ قايتا ئىلتىماس قىلىڭ، ھەرگىزمۇ ئالدىراپ قايتا قاراپ چىقىشقا سۇنۇپ ئارتۇق زىيان تارتىۋالماڭ.
ئەسكەرتىش: بۇ ماقالىنى شىنجاڭ قۇياش ماركا ئىشلىرى شىركىتى تەييارلىغان، شىنجاڭنىڭ ھەرقايسى جايلىرىدىكى شىركىتىمىز ماركا ۋاكالەتچىلىك ھوقۇقى بېرىلگەنلەردىن باشقا ھەرقانداق ئورۇن ياكى شەخسنىڭ رۇخسەتسىز ئىشلەتمەسلىكىنى قاتتىق ئەسكەرتىمىز.
